Kaninong Anak Ito?

"Child Prisoner" courtesy of Rappler

Isa ako sa maraming kabataang napaligaw

at naritong nakapihit sa loob ng parusahan

sumasampal sa muka ko ang pagsumbat at paguyam

ng tahanan, ng lipunan, ng simbaha't paaralan

Wika nila'y mabuti nga pagka't ako'y kahihiyan

at pasan sa balikat nitong baya'y nakadagan

Ngayong akoy naririto at bilanggong nakakulong

sino baga ang marapat na sisihin kaya ngayon?

ang nagyari ay sa aking kamusmusan napabunton

ang kanilang kasalana't kamaliang dugtong-dugtong

kasalana't kamalian ibig nilang maikanlong

habang akoy magdurusa sa loob ng mga taon!

Ngunit ang tanong ko sa tahanang nanunuya

na ang ulo'y nakatungo at mawahil nahihiya

saan galing ang hilig ko at ugaling masama?

Di ba ito'y siyang bunga ng mali mong mga awa?

Di ba ito'y siyang bunga ng di tumpak na aruga?

sa ilalim ng bubong mong may alitan mayat maya?

Di ka salat, ngunit ako'y nagpalaboy, nagpalimos

Dunga ito ng buhay mo na sa bisyo'y nakalugmok!

sambunton mong kinikitay palagi nang kinakapos

sa lipad ng sasabungin at barahang sotang-bastos!

sa tahanang nilakhan koy nababangit ba ang diyos?

Ikaw namang paaralang pandayan daw naming lahat

kamalig kang may salansang santalaksang mga aklat

sa araling bagu't bago, susun-suson at santambak

sa dami ay wala akong natutunang buo't ganap

Mga tamad at pabaya, bulakbol at walang alam

kung baga man sa pagkain, sagana ngat masarap

ngunit di kayang tunawin nitong aming diwang pahat!

Ang pamalo, sa iskwela ay masama at bawal daw

kaya kamiy walang takot lumaking magagaslaw;

kundi sinet panooring puno ng kasagwaan;

pumapasa kahit itong aming ulo'y walang laman

parang bungang napipitas na maaga't hilaw-hilaw

Ikaw naman o simbahang linggo-linggo ay abala

sa awit ng koro at sa sermong magaganda;

sa labas ng pintuan mo'y hindi mo ba napupuna

ang maraming kahalayang sari-saring nakatinda?

natutuso sa daanan ang aliw ng mga mata

datapuwa't kaaliwang libingan ng kaluluwa!

Ikaw naman o lipunan na mabilis magmapuri

ngayong ako'y bilango na'y siya mo pang inaapi;

ikaw sana ang sa mga kabataay magsisilbi

na huwaran ngunit ikaw ang may mga buhay na marumi

anong uri ang damit mo? nasaan ka kapag gabi?

anong uri ang buhay mong sa karimiay nakakubli?

O lipunan, anong uri ng inumin ang tinda mo

na ang bunga sa maraming kabataa'y panggulo?

anong uring babasahi'y katuwaang libangan ko

ang handog mong panooring mahahahalay, makamundo?

Saka ngayon kung ang mga kabataan ay mabuyo

ay sa amin ibubunton ang lahat ng sala ninyo.

O tahana't paaralan na sa ami'y pumapansin,

O simbahan at lipunan na sa ami'y umiiring,

dapat kayo ang tumayo sa hukumang nakatingin

at hatulan, yamang kayo ang huwara't pangunahin;

Dapat kayo ang sumbatan, ang sisihi't panagutin

sa buhay ng libu-libong kabataang nasa bangin!

Comments

Disclaimer

The information contained in this website is for general information purposes only. The information is provided by “Poetika at Literatura” and while we endeavour to keep the information up to date and correct, we make no representations or warranties of any kind, express or implied, about the completeness, accuracy, reliability, suitability or availability with respect to the website or the information, products, services, or related graphics contained on the website for any purpose. Any reliance you place on such information is therefore strictly at your own risk.

In no event will we be liable for any loss or damage including without limitation, indirect or consequential loss or damage, or any loss or damage whatsoever arising from loss of data or profits arising out of, or in connection with, the use of this website.

Through this website you are able to link to other websites which are not under the control of “Poetika at Literatura”. We have no control over the nature, content and availability of those sites. The inclusion of any links does not necessarily imply a recommendation or endorse the views expressed within them.

Every effort is made to keep the website up and running smoothly. However, “Poetika at Literatura” takes no responsibility for, and will not be liable for, the website being temporarily unavailable due to technical issues beyond our control.

Search This Blog