Poetika at Literatura

"Rediscover the Sentimentality, Creativeness and Artistry of Filipino people through the Selected Compilation of Philippines' Beautiful works of Art through Writing..."





Main Article(s)/ (Mga) Pangunahing Artikulo


Sa Bawat Sulok ng Quiapo

ni Russel Romero





Dito nagkukubli huwad na pangako
Sa bawat sulok sa simbahan ng Quiapo
Makikita iba't ibang klaseng tao
NatatagoĆ½ lihim sa bawat kanto

Igawi ang tingin sa may Avenida
Musmos na katawan ay nakabalandra
Sumasayaw sa loob ng bahay na pula
Panandaliang ligaya ang dulot nila

Mga manghuhula ay nakahilera
Nagbibigay bawat prediksyon nila
Hinggil sa trabaho, pag-ibig at pera
Mga tao'y nagtitiyagang pumila

Anting-anting, pampalaglag, at pamparegla
Ito'y makikita sa bawat bangketa
Nagkalat din mga aborsyonista
Animo'y walang alam, patay malisya

Ang lugar na ito'y sadyang marupok
Laman ng mga taong halang at hayok
Mapagbalatkayo din ang bawat sulok
Na nagkukubli sa anino at itim na usok


Copyright © 2018
All Rights Reserved

I. Table of Contents/ Tala ng Mga Nilalaman


A. Collection of Literatures/ Koleksyon ng mga Literatura