Poetika at Literatura

"Rediscover the Sentimentality, Creativeness and Artistry of Filipino people through the Selected Compilation of Philippines' Beautiful works of Art through Writing..."





Main Article(s)/ (Mga) Pangunahing Artikulo


Nuestro Nazareno: Ang Traslacion - Salvasyon

ni Michael Thomas Nelmida






Kami po’y nagdadasal
Nuestro Padreng mahal
Kaluluwa’y naming iligtas

Kayo na po ba ang sugo?

Ang pinadala ng Tagapagligtas?
Ito na po ba ang oras?

Andas. Andas.  Andas

Papunas

Ang tuwalyang puti
- iwinawagayway
Pamunas

Sa itim kong kulay
Pagkatapos ng ikatlong araw ako’y nabuhay !

Bago dumating si Hudas

Hatakin ang lubid
Huwag hayaang mabulid
Higpitan lang ang iyong kapit
Kagaya ng pagsambang walang hanggang dalit
Mga dasal at hiling na may kapalit
Ibinulong lahat ang hinanakit sa kahoy na may barnis


Hindi ba kayo nahihirapan?
Pasan pasan ko’y krus tungo sa tuwid na landas

Sinusubukang abutin
Parang tala sa gabing madilim
Dumating man ang takipsilim
Makita lang ang lihim

Mga mata mong maunawain
Puso mong mahabagin
Magmilagro ka na sa amin.
Kahit itim ang iyong kutis
Pagpunas sa iyong balat ay walang kasing tamis
Hindi maitatangis
Maswerte kung maiituring
Makalapit sa iyo aming hiling

Kaligtasan aming hangad
Patawad sa lahat ng aming kasalanang walang katapusan
Kami ngayo’y nagsisi
Sa aming mga sala
Kapara nang sauna              

Walang hanggang banal na papering pangarap
Makaapak sa paraisong walang hirap

Ito ang aming samu’t saring dalangin
Nawa’y inyong dinggin!
Kaluluwa’y tubusin
Utos niyo’y susundin

Traslacion, Traslacion, Traslacion  – isang salvasyon!

***Ang Tulang ito ay nagkamit ng Ikalawang Gantimpala sa Pagsulat ng Tula : Unang Gawada Pilantik may temang “ pangarap” sa Pamantasang Normal ng Filipinas 


Copyright © 2017
All Rights Reserved


No comments:

I. Table of Contents/ Tala ng Mga Nilalaman


A. Collection of Literatures/ Koleksyon ng mga Literatura